ಭೂಗೋಳಶಾಸ್ತ್ರ ಭಾಗ -1

           ಸ್ಪರ್ಧಾತ್ಮಕ ಪರೀಕ್ಷೆ(ಐ.ಎ.ಎಸ್, ಕೆ.ಎ.ಎಸ್. ಪಿ.ಎಸ್.ಐ. ಪಿ.ಡಿ.ಓ. ಎಫ್.ಡಿ.ಎ. ಎಸ್.ಡಿ.ಎ. ಪಿ.ಸಿ. ಬಿ.ಎಡ್. ಡಿ.ಎಡ್ ಇತ್ಯಾದಿ) ಗಳಿಗೆ ಸಿದ್ಧರಾಗುತ್ತಿರುವ ಅಭ್ಯರ್ಥಿಗಳಿಗೆ ಉಪಯುಕ್ತವಾಗಲೆಂದು ಡಿ.ಎಸ್.ಇ.ಆರ್.ಟಿ. ಪಠ್ಯಪುಸ್ತಕಗಳ ನೋಟ್ಸ್‍ನ್ನು ತೆಗೆದು ಇಲ್ಲಿ ಬೆರಳಚ್ಚಿಸಿ ಪ್ರಕಟಿಸುತ್ತಿದ್ದೇನೆ. ಇಂದು ಮಾರುಕಟ್ಟೆಯಲ್ಲಿ ಕೇವಲ ಡಿ.ಎಸ್.ಇ.ಆರ್.ಟಿ. ಆಧಾರಿತ ಮಾರ್ಗದರ್ಶಿ ಪುಸ್ತಕಗಳು ಸಿಗುವುದು ದುರ್ಲಭವಾದ್ದರಿಂದ ಹಾಗೂ ಪರೀಕ್ಷೆಗೆ ಸಿದ್ಧತೆ ನಡೆಸುತ್ತಿರುವವರೆಲ್ಲ ಡಿ.ಎಸ್.ಇ.ಆರ್.ಟಿ. ಪುಸ್ತಕಗಳನ್ನು ಓದಬೇಕಾದ ಅನಿವಾರ್ಯತೆ ಇರುವುದರಿಂದ ಪುಸ್ತಕಗಳ ಸಂಗ್ರಹಕ್ಕಾಗಿ ಕಂಡ ಕಂಡ ಶಾಲೆಗಳಿಗೆಲ್ಲಾ ಅಲೆದಾಡುತ್ತಾರೆ. ಅವರ ಶ್ರಮವನ್ನು ತಪ್ಪಿಸಲೆಂದು ನಾನು ಮಾಡುವ ಪುಟ್ಟ ಪ್ರಯತ್ನ ಅಷ್ಟೆ. ನಿಮಗೆ ಇಷ್ಟವಾದರೆ ಒಂದೆರಡು ಸಾಲು ಕಮೆಂಟಿಸಿ...


                                              ಭೂಗೋಳಶಾಸ್ತ್ರ

                                                  ಸೌರವ್ಯೂಹ               5 ನೇ ತರಗತಿ

                                      

* ಸೂರ್ಯನ ಕುಟುಂಬವೇ ಸೌರವ್ಯೂಹ

* ಭೂಮಿಗೆ ಸಮೀಪವಿರುವ ಗ್ರಹ - ಶುಕ್ರ

* ಅತ್ಯಂತ ಹೆಚ್ಚು ಪ್ರಕಾಶಮಾನವಾದ ಗ್ರಹ - ಶುಕ್ರ

* ಶುಕ್ರ ಮತ್ತು ಬುಧ ಗ್ರಹಗಳನ್ನು ಹೊರತುಪದಿಸಿದರೆ ಉಳಿದೆಲ್ಲ ಗ್ರಹಗಳಿಗೆ ಉಪಗ್ರಹಗಳಿವೆ.

* ಗಾತ್ರದಲ್ಲಿ ಚಂದ್ರನಿಗಿಂತ ಭೂಮಿಯು 50 ಪಟ್ಟು ದೊಡ್ಡದಿದೆ.

* ಭೂಮಿ ಮತ್ತು ಚಂದ್ರನ ನಡುವಿನ ದೂರ - 3,84,403 ಕಿ.ಮೀ.

* ಚಂದ್ರ ತನ್ನ ಕಕ್ಷೆಯಲ್ಲಿ ಚಲಿಸುತ್ತಾ 27 ದಿನ ಮತ್ತು 8 ಗಂಟೆಗಳಲ್ಲಿ ಭೂಮಿಯನ್ನು ಒಮ್ಮೆ ಸುತ್ತುತ್ತದೆ.

 * ಭೂಮಿಯು ಪಶ್ಚಿಮದಿಂದ ಪೂರ್ವಕ್ಕೆ ತನ್ನ ಕಕ್ಷೆಯ ಸುತ್ತ ಸುತ್ತುತ್ತದೆ.

ಭೂಮಿಗೆ ಒಮ್ದು ಕಾಲ್ಪನಿಕ ಅಕ್ಷವಿದೆ. ಇದು ಒಂದು ಸರಳ ರೇಖೆಯಂತಿದೆ. ಭೂ ಮಧ್ಯಭಾಗದಲ್ಲಿ ಒಂದು ಧ್ರುವದಿಂದ ಮತ್ತೊಂದು ಧ್ರುವಕ್ಕೆ ಈ ರೇಖೆಯು ಹಾದು ಹೋಗಿರುವುದು. ಈ ಅಕ್ಷದ ಎರಡು ಬಿಂದುಗಳನ್ನು ಉತ್ತರ ಧ್ರುವ ಮತ್ತು ದಕ್ಷಿಣ ಧ್ರುವ ಎಂದು ಗುರುತಿಸಲಾಗಿದೆ. ಅಕ್ಷವು ಯಾವಾಗಲೂ ಧ್ರುವ ನಕ್ಷತ್ರದ ಕಡೆಗೆ ಮುಖ ಮಾಡಿರುತ್ತದೆ. ಧ್ರುವ ನಕ್ಷತ್ರವು ಉತ್ತರ-ದಕ್ಷಿಣ ದಿಕ್ಕನ್ನು ಸೂಚಿಸುತ್ತದೆ.

ಭೂಮಿಯ ಪಶ್ಚಿಮದಿಂದ ಪೂರ್ವಕ್ಕೆ ತಿರುಗುವದರಿಂದ ಅದರ ಪೂರ್ವ ಭಾಗವು ಮೊದಲು ಸೂರ್ಯನ ಬೆಳಕನ್ನು ಪಡೆಯುತ್ತದೆ. ಅದರಿಂದಾಗಿ ಸೂರ್ಯನು ಪೂರ್ವದಲ್ಲಿ ಉದಯಿಸಿ ಪಶ್ಚಿಮದಲ್ಲಿ ಮುಳುಗುವಂತೆ ತೋರುವುದು.

ಭೂಮಿಯ ಮೇಲೆ ನಿಂತು ನೋಡಿದಾಗ ಸುತ್ತಲೂ ಆವರಿಸಿರುವ ನಕ್ಷತ್ರಗಳಲ್ಲಿ ಅರ್ಧದಷ್ಟನ್ನು ಮಾತ್ರ ನೋಡಬಹುದು

ಭೂಮಿಗೆ ಸೂರ್ಯನ ಸುತ್ತ ಒಮ್ಮೆ ಪ್ರದಕ್ಷಿಣೆ ಮಾಡಲು 365 ದಿನ 5 ಗಂಟೆ 49 ನಿಮಿಷ 12 ಸೆಕೆಂಡುಗಳು ಬೇಕು.